Nellai Siva [Comedy & Character Actor]

நெல்லை சிவா [நகைச்சுவை நடிகர்]

தமிழ்த் திரைப்படங்களில் திருநெல்வேலி வட்டார வழக்கில் பேசி, நகைச்சுவைக் காட்சிகளைக் கலகலக்க வைப்பதில் வல்லவர். நெல்லை மாவட்டம், ராதாபுரம் வட்டம், பணகுடி அருகிலுள்ள வேப்பிலாங்குளம் என்னும் கிராமத்தைச் சேர்ந்தவர். இவரது முதல் படம் ‘ஆண் பாவம்’.

கே.பாக்யராஜ் இயக்கத்தில் சென்னைத் தொலைக்காட்சியில் சில தொடர்களில் பங்கெடுத்துள்ளார். கே.பாக்யராஜ் இயக்கத்தில் விஜய்காந்த் நடித்த ‘சொக்கத்தங்கம்’ படத்திலும் நடித்துள்ள இவர் சுமார் 510 படங்களுக்கு மேல் நடித்துள்ளார். ‘ராஜாதிராஜ ராஜ குலோத்துங்க ராஜ மார்த்தாண்ட ராஜ கம்பீர காத்தவராய கிருஷ்ண காமராஜன்’ என்ற மன்சூர் அலி கான் தயாரித்த படத்தில் இவர் சிரேஷ்ட நகைச்சுவைச் சக்கரவர்த்தி நாகேஷ் அவர்களுடன் இணைந்து நடித்துள்ளார். பல சின்னத்திரை நெடுந்தொடர்களிலும் நடித்து வருகிறார்.

இவர் நடித்த மேலும் சில படங்கள்:-

சிந்துபாத் [1995], அன்பே சிவம், சாமி [2003, ஒரு நாள் ஒரு கனவு [2005, கிரீடம் [2007], அறை எண் 105-ல் கடவுள் [2008], வட்டாரம், உன்னைத்தேடி [1999], கொட்டாரம் தாலுகா திருநெல்வேலி ஜில்லா [2013], அஞ்சல் துறை [2013], ஐவர் கூடம் [2015], விந்தை [2015], ஆரம்பமே அட்டகாசம் [2017], சாய்ந்தாடு சாய்ந்தாடு [2018]

’அறை எண் 305-இல் கடவுள்’ 2008 படத்தில் சந்தானம், கஞ்சா கருப்புடன் நெல்லை சிவா

’சிந்துபாத்’ 1995 படத்தில் மன்சூர் அலிகான், ராஜன் பி.தேவுடன் நெல்லை சிவா

’வட்டாரம்’ படத்தில் வையாபுரி, ரமேஷ் கன்னாவுடன் நெல்லை சிவா

’உன்னைத் தேடி’ 1999 படத்தில் நெல்லை சிவாவுடன் விவேக்