Bindhu Ghosh

பிந்து கோஷ் [திரைப்பட நடிகை, டான்ஸ் மாஸ்டர், நாடக நடிகை]

தான் நடித்த முதல் படத்தின் மூலமே மிகப் பிரபலமாகிவிட்டவர் பிந்து கோஷ். கோழி கூவுது படத்தில் இவர் ஏற்றிருந்த பாத்திரம் குறிப்பிடும்படியானது. இவரது இயற்பெயர் விமலா. “களத்தூர் கண்ணம்மா”, தான் இவரது முதல் படம்.குழந்தை நட்சத்திரமாக அறிமுகமானார். அதில் கமலஹாசனோடு சேர்ந்து ஒரு குரூப் டான்ஸ் ஆடியிருக்கிறார் இவர்.

சர்வர் சுந்தரம் படத்தில் நடனமாட அழைத்து இவர் போனபோது இவர் ரொம்ப ஒல்லியாக (!) இருந்துள்ளார். தங்கப்பன் மாஸ்டர் பார்த்துவிட்டு, “அம்மா இவ்வளவு ஒல்லியா இருக்கியே, உனக்கு டான்ஸ் வராது. உடம்பை தேற்றி நல்லபடியாக டான்ஸ் கற்றுக்கொண்டு வா ! “ என்று சொல்லி அனுப்பியிருக்கிறார்.

பிறகுதான் இவர், டான்ஸ் மாஸ்டர் ஹீராலாலிடம் சேர்ந்து, நடனங்களைக் கற்றுக்கொண்டார். அவர் இவரை உற்சாகப்படுத்தி ரிகர்சல் கொடுத்திருக்கிறார். ஹீராலாலின் மைத்துனர் சீனு மாஸ்டர் இவருக்கு பயிற்சி கொடுத்திருக்கிறார். அதன் பிறகு ஹீராலாலின் படங்களில் தவறாது இடம்பெற்றார். நான்கைந்து இந்திப் படங்களிலும் ஹீராலால் மூலம் இவருக்கு வாய்ப்புகள் கிடைத்தது.

பிறகு ஒரு நாள் ‘எங்கமாமா’ படத்தில் நடனமாடுவதற்காக அந்தப் படத்தின் டான்ஸ்மாஸ்டர் தங்கப்பன் மாஸ்டர் மீண்டும் அழைத்தபோது இவர் அவர்முன் நின்றபோது அவருக்கு அடையாளம் தெரியவில்லை. இவராகவே தன்னை அறிமுகம் செய்துகொண்டார். ‘எங்க மாமா’ வில் ‘எல்லோரும் நலம் வாழ நான் பாடுவேன்’ என்ற பாடலுக்கு இவர் குரூப் டான்ஸ் ஆடினார். அன்றிலிருந்து தங்கப்பன் மாஸ்டரின் எல்லா படங்களிலுமே இவர் குரூப் டான்ஸில் இடம்பிடித்தார்.

நடிகை நளினியின் தந்தை வைக்கம் மூர்த்தியிடம் நடன உதவியாளராக சேர்ந்து பயிற்சி பெற்றுள்ளார். அதன் மூலம் மலையாளத்தில் 100-க்கும் மேற்பட்ட படங்களுக்கு இவர் கம்போஸிங் செய்திருக்கிறார்.

’கண்ணே, பூர்வ ஜென்மம்’ உள்ளிட்ட பல நாடகங்களில் நடித்துள்ளார். ‘உருவங்கள் மாறலாம்’, ‘தலைமகன்’, ‘டௌரி கல்யாணம்’, ‘தூங்காதே தம்பி தூங்காதே’ , ‘சூரகோட்டை சிங்கக்குட்டி’, ‘டெலக்ஸ் பாண்டியன்’, ‘வளர்த்த கடா’, ‘ஏதோ மோகம்’, ‘ஓசை’ , ‘கொம்பேறி மூக்கன்’ , ‘நீதியின் நிழல்’  வேங்கையன் , ‘நவக்கிரஹ நாயகி’, “தாயம் ஒண்ணு” உள்ளிட்ட நூற்றுக்கும் மேற்பட்ட படங்களில் நடித்துள்ளார்.

1.7.1983 சினிமா எக்ஸ்பிரஸ் இதழிலிருந்து விவரங்கள் சேகரிக்கப்பட்டது.

’ஓசை’ [1984] படத்தில் மோகனுடன் பிந்து கோஷ்

‘சொல்லத் துடிக்குது மனசு’ [1986] படத்தில் பிந்து கோஷ்

‘சொல்லத் துடிக்குது மனசு’ [1986] படத்தில் குள்ளமணி – பிந்து கோஷ்

“தேன் கூடு” [1984] படத்தில் ராஜலட்சுமியுடன் பிந்துகோஷ்

“தேன் கூடு” [1984] படத்தில் இடமிருந்து வலம் பொன்னி, ராஜலட்சுமி, கே.ஆர்.விஜயா, பிந்துகோஷ்

“தேன் கூடு” [1984] படத்தில் இடமிருந்து வலம் பிந்துகோஷ், கே.ஆர்.விஜயா, மேஜர் சுந்தர்ராஜன், நாகேஷ்

“தேன் கூடு” [1984] படத்தில் இடமிருந்து வலம் பிந்துகோஷ், கே.ஆர்.விஜயா, மேஜர் சுந்தர்ராஜன், நாகேஷ், சுமித்ரா, எம்.ஆர்.ராதாரவி

“நவக்கிரஹ நாயகி” [1985] படத்தில் பாண்டியன், வெண்ணிற ஆடை மூர்த்தியுடன் பிந்துகோஷ்

மங்கம்மா சபதம் [1985] படத்தில் நாகேஷ் கிருஷ்ணமூர்த்தியுடன் பிந்துகோஷ்

மங்கம்மா சபதம் [1985] படத்தில் மனோரமாவுடன் பிந்துகோஷ்

“குடும்பம் ஒரு கோயில்’’ 1987 படத்தில் வி.கே.ராமசாமியுடன் பிந்துகோஷ்

”எங்கள் தாய்க்குலமே வருக” 1986 படத்தில் லூஸ் மோகனுடன் பிந்து கோஷ்

”எங்கள் தாய்க்குலமே வருக” 1986 படத்தில் ஜீவிதா, லூஸ் மோகனுடன் பிந்து கோஷ்

”உருவங்கள் மாறலாம்” 1983 படத்தில் கமலஹாசனுடன் பிந்து கோஷ்

”உருவங்கள் மாறலாம்” 1983 படத்தில் வெண்ணிற ஆடை மூர்த்தியுடன் பிந்து கோஷ்

”உருவங்கள் மாறலாம்” 1983 படத்தில் ஒய்.ஜி.மகேந்திரனுடன்

”தாயம் ஒண்ணு” 1988 படத்தில் அர்ஜுனுடன் பிந்துகோஷ்

’வீட்டுக்காரி’ 1985 படத்தில் லூஸ் மோகனுடன் பிந்து கோஷ்

’வீட்டுக்காரி’ 1985 படத்தில் காந்திமதியுடன் பிந்து கோஷ்

’வீட்டுக்காரி’ 1985 படத்தில் செந்தில், லூஸ் மோகனுடன் பிந்து கோஷ்

’வளர்த்த கடா’ 1983 படத்தில் லூஸ் மோகனுடன் பிந்துகோஷ்

• 

• 

’லூஸ் லூஸ் அரப்பிரி லூஸ்’ 1988 படத்தில் பிந்துகோஸுடன் குதிரவட்டம் பப்பு, ஜகதி ஸ்ரீகுமார், மாள அரவிந்தன் 6 படங்கள்