S.C.Krishnan – Playback Singer

எஸ்.சி.கிருஷ்ணன் – பழம்பெரும் பாடகர் மற்றும் நடிகர்.

திரும்பிப்பார் படத்தில் ‘கலப்படம் இது கலப்படம் எங்கும் எதிலும் கலப்படம்’, வண்ணக்கிளி படத்தில் ‘சித்தாடை கட்டிகிட்டு சிங்காரம் பண்ணிகிட்டு, எதிர்நீச்சல் படத்தில் ‘சேதி கேட்டோ சேதி கேட்டோ’, ’தேடி வந்த செல்வம்’ படத்தில் பிளாட்பாரம் மட்டமுன்னு எண்ணாதீங்க’, எங்க வீட்டு மகாலட்சுமி படத்தில் மண்ணை நம்பி மரமிருக்கு கண்ணே சஞ்சலா, ’பாக்கியவதி’ படத்தில் கண்ணாலே வெட்டாதே சும்மா கண்ணாலே வெட்டாதே , ’தில்லானா மோகனாம்பாள்’ படத்தில் பாண்டியன் நானிருக்க ஏண்டி உனக்கென்மேல், வீரக்கனல் படத்தில் கைகளிரண்டில் வளை குலுங்க, மஞ்சள் மகிமை படத்தில் ஆனது ஆச்சு போனது போச்சு அஞ்சாமல் வா, மை டியர் மீனா உன் ஐடியா என்னா, மக்களைப் பெற்ற மகராசி படத்தில் அடி தாராபுரம் தாம்பரம் உன் தலையில கனகாம்பரம், மல்லிகா படத்தில் மானத்தைக் காப்பதும் பொண்ணு நல்ல மகிழ்ச்சியைத் தருவதும் பொண்ணு, ரங்கூன் ராதா படத்தில் செத்தாலும் விடமாட்டேன், திலகம் படத்தில் பி.ஓ.ஒய் பாய்…. பாயின்னா பையன், கற்புக்கரசி படத்தில் பட்டுக்கோட்டை கல்யாணசுந்தரம் எழுதிய நல்வாக்கு நீ போடடி நான் நாலு நாளில் வந்திடுவேன், அலங்காரம் அலங்காரம் நீயே எந்தன் சம்சாரம், அலிபாபாவும் 40 திருடர்களும் படத்தில் சின்னஞ்சிறு சிட்டே எந்தன் சீனா கற்கண்டே, அன்பு எங்கே படத்தில் எல்லும் ஓவும் வீயும் ஈயும் லவ்வு, சக்கரவர்த்தி திருமகள் படத்தில் அத்தானும் நான் தானே, சதாரம் படத்தில் சுண்டல் கரம் சுண்டல், அமரதீபம் படத்தில் பொட்டே கட்டி பூவே கட்டி, அழகர் மலைக் கள்வன் படத்தில் சிட்டு போல நடந்து வார, அவன் யார் படத்தில்  அடக்கிடுவேன் அடக்கிடுவேன், கண் திறந்தது படத்தில் இருக்கும் வரையில் ரசிக்கணும் நீ இன்பமாக இருக்கணும், கோகிலவாணி படத்தில் ஜிலு ஜிலு மிட்டாய் பாருங்கோ, கைராசி படத்தில் பூலோகம் மாறினாலும் மாறமாட்டோம், சபாஷ் ராமு படத்தில் ஹலோ டார்லிங் பறந்தோடி வா, பைசாவைப்போட்டு நைசாக வாங்கி பையன்கள் ஊதும்போது பலூன் படார், நெத்தியிலெ நீல நிறப்பொட்டு போன்ற ஆயிரத்திற்கும் மேற்பட்ட பாடல்களைப் பாடியவர் எஸ்.சி.கிருஷ்ணன். வெண்கலக்குரலில் குழைந்து குழைந்து, இடையிடையே முணுகல் குரலெல்லாம் கலந்து பாடல்களைப் பாடுவதில் வல்லவர். சோம்பலுடன் இருக்கும் ஒருவரை சுறுசுறுப்படையச் செய்யும் குரல் வல்லமை இவருடையது. சலிப்பு தட்டாத குரல்.

இவர் முதன்மையாகப் பாடியது டணால் கே.ஏ.தங்கவேலுவுக்குத்தான். பெரும்பான்மையான பாடல்கள் நகைச்சுவைப் பாடல்கள். வருந்தாதே மனமே வீணே வருந்தாதே மனமே என்ற போர்ட்டர் கந்தன் படத்தில் இவர் பாடிய பாடல் சோகத்தை உள்ளடக்கிய தத்துவப்பாடல்; இப்பாடல் மிகப்பிரபலம். பாக்தாத் திருடன், குலேபகாவலி போன்ற எம்.ஜி.ஆரின் பல படங்களில் தத்துவப்பாடல்கள் பலவற்றையும் பாடியுள்ளார்.

1937-இல் ரி.கே.எஸ்.சகோதரர்களின் நாடகக்குழுவிலும், கலைவாணர் என்.எஸ்.கிருஷ்ணன் அவர்களின் நாடகக்குழுவிலும் இணைந்து பல நாடகங்களில் நடித்துள்ளார். நடிகர் கே.ஆர்.ராமசாமி ஆரம்பித்த கே.ஆர்.ஆர்.நாடக சபாவிலும் சேர்ந்து நடித்துள்ளார். அறிஞர் அண்ணாதுரை எழுதிய ‘ஓர் இரவு’, ‘வேலைக்காரி’ ஆகிய நாடகங்களிலும் நடித்திருக்கிறார் என்பது குறிப்பிடத்தக்கது.

1929-ஆம் ஆண்டு இராமநாதபுரம் மாவட்டம், சிவகங்கையில் செல்வம் ஆசாரி என்ற நகைத்தொழிலாளிக்கு 4-ஆவது மகனாக பிறந்தவர்.

1949-ஆம் ஆண்டு ’மாடர்ன் தியேட்டர்ஸ்’ இல் நடிகராக சேர்ந்து பல படங்களில் நடித்தார். பின்னர்தான் பின்னணிப்பாடகரானார். இவர் கடைசியாகப் பாடியது தேவர் பிலிம்ஸ் தயாரித்த ‘தாயில்லாமல் நானில்லை’ படத்தில் மேடைக்கூத்து பாடல்தான்.

இவர் சென்னைத் தொலைக்காட்சியில் இசையமைப்பாளராகவும், நிகழ்ச்சித் தயாரிப்பாளராகவும் பணியாற்றினார். அந்த சமயத்தில் பக்கவாத நோயால் பாதிக்கப்பட்டார். 4 ஆண்டுகள் பக்கவாத நோயால் அவதிப்பட்டார். 1981-ஆம் ஆண்டு மதுரையில் நடந்த உலகத்தமிழ் மாநாட்டில் கிராமியப் பாடல்கள் அடங்கிய ‘குறவஞ்சி’ நாடகத்தில் பாடியதைப் பாராட்டி அவருக்குத் தமிழக அரசு ‘கலைமாமணி’ பட்டம் வழங்கியது.

எஸ்.சி.கிருஷ்ணன் நடிகர் ரி.ஆர்.மகாலிங்கத்தின் நெருங்கிய நண்பராக இருந்தார். இவருக்கு மனைவியும் இரு மகள்களும், ஒரு மகனும் உள்ளனர். 1983-ஆம் ஆண்டு இவர் காலமானார்.

SC-Krishnan-2

பாட்டு வேந்தன் பட்டுக்கோட்டை கல்யாணசுந்தரத்துடன் எஸ்.சி.கிருஷ்ணன் அவர்கள். [படம் உதவி:-வேம்பார் மணிவண்ணன்]sc-krishnan-pattukkottai-photo-vembar-manivannan

“சுகம் எங்கே” 1954 படத்தில் ஆர்.பாலசுப்பிரமணியத்துடன் எஸ்.சி.கிருஷ்ணன்SC.Krishnan-Sugam Enge 1954-2SC.Krishnan-Sugam Enge 1954-1SC.Krishnan-Sugam Enge 1954-SC.Krishnan-R.Balasubramaniam-Sugam Enge 1954-1SC.Krishnan-R.Balasubramaniam-Sugam Enge 1954-

Advertisements

6 comments on “S.C.Krishnan – Playback Singer

  1. மிக்க நன்றி். அரிய தகவல்கள். கொஞ்ச நாள் முன்பு இவரை பற்றி உங்களிடம் கேட்டிருந்தேன்.

  2. 1970 களின் இறுதியில் வெளி வந்த ‘ரகுபதி ராகவன் ராஜாராம் ‘ திரைப்படத்தில் ‘கத்தாழைக் காட்டுக்குளே ‘ என்ற பாடலையும் (திரு ரஜனி அவர்களுக்கு பின்னணி ) பாலாபிஷேகம் திரைப்படத்தில் ‘படம் எடுக்கற பாம்பைப் போலே ‘ பாடலில் வாணி ஜெயராமுடன் இணைந்து நடிகர் சுருளிராஜன் அவர்களுக்குப் பின்னணி பாடியுள்ளது நினைவிற்கு வருகிறது . இரண்டு தினங்களுக்கு முன் சன் தொலைக்காட்சி ஒலிபரப்பிய தில்லானா மோகனம்பாள் திரைப்படத்தில் நடிகை மனோரமாவுடன் இணைந்து பாடும் தெருக்கூத்து ‘பாண்டியன் நான் இருக்க ‘ பாடல் திரு.எஸ்.சி.கிருஷ்ணன் அவர்களின் மாஸ்டர் பீஸ் .

    அரியத் தகவல்கள் அள்ளித்தந்துள்ளீர்கள் நண்பர் சஹாதேவன் விஜயகுமார் அவர்களே.
    உங்கள் பணி சிறக்க.

    • உங்கள் வாழ்த்திற்கு மிக்க நன்றி கணபதி கிருஷ்ணன். எஸ்.சி.கிருஷ்ணன் பாடல்கள் என்றால் எனக்கு உயிர். அவரது பாடல்களில் சிலவற்றை மட்டும்தான் நான் கட்டுரையில் சுட்டிக்காட்டியுள்ளேன். உங்கள் வாழ்த்து மேலும் எனக்கு ஊக்கத்தைத் தருகிறது. கணபதி கிருஷ்ணன் நீங்களும் கருத்துக்களைப் பதிவு செய்ததில் 150 ஐத் தாண்டிவிட்டீர்கள். உங்கள் ஒத்துழைப்புப் பொன்னானது.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s