M. S. Viswanathan

. சு. விசுவநாதன்– (எம். எஸ். விஸ்வநாதன் அல்லது பொதுவாக எம்எஸ்வி), இயற்பெயர்-மனயங்கத்து சுப்பிரமணியன் விசுவநாதன்-பிறப்பு: 24 சூன் 1928) வயது-85-இந்தியாவின் தமிழ்த் திரைப்பட இசையமைப்பாளர் ஆவார். இவர் கேரளாவின் பாலக்காட்டுக்கு அருகில் எலப்புள்ளி என்ற கிராமத்தில் 1928-ஆம் ஆண்டு மலையாளக் குடும்பத்தில் பிறந்தார். இவரின் தந்தை சுப்பிரமணியன் தாய் நாராயண குட்டியம்மாள் (நானிக்குட்டி). விசுவநாதன் 1950 ஆம் ஆண்டில் வெளிவந்த ம. கோ. இராமச்சந்திரனின் ஜெனோவா திரைப்படத்தில் வெளிவந்த நான்கு பாடல்களுக்கு முதன் முதலாக இசையமைத்தார். தமிழ் திரைப்படங்களில் அதிகம் பணிபுரிந்தாலும் தெலுங்கு, மலையாளம், இந்தி, கன்னட படங்களுக்கும் இசையமைத்துள்ளார். இவர் 1200 திரைப்படங்களுக்கு இசையமைத்துள்ளார்.

பின்னணிப் பாடகர் பல்வேறு படங்களில் பின்னணி பாடியுள்ளார். கிளபம் /ஆர்மோனியம் /கின்னரப்பெட்டி போன்ற இசைக்கருவிகளை வாசிப்பவர்.

தனது நான்காவது வயதிலேயே தந்தையை இழந்த விசுவநாதன் கண்ணனூரில் உள்ள தன் தாத்தா கிருசுணன் நாயர் வீட்டிற்கு சென்று வளர்ந்தார். பள்ளிப் படிப்புப் படிக்காத இவர் இசையின் மீது கொண்ட நாட்டத்தால் அங்கு கருநாடக இசையை நீலகண்ட பாகவதரிடம் பயின்று 13வது வயதிலேயே மேடைக் கச்சேரி நிகழ்த்தினார். இசையமைப்பாளர் சி. ஆர். சுப்பராமன் இசைக்குழுவில் இவர் ஆர்மோனியத்தையும் டி. கே. ராமமூர்த்தி வயலினையும் வாசிப்பவர்களாக பணிபுரிந்தார்கள். உடல்நல குறைவு காரணமாக, தன்னுடைய 30 வயதில் (1952) சி. ஆர். சுப்புராமன் அவர்கள் மறைந்தார். அவருடைய மறைவால் முழுமை பெறாமல் இருந்த தேவதாஸ், சண்டிராணி, மணமகள் போன்ற படங்களை அவரின் உதவியாளர்களாக இருந்த விசுவநானும் ராமமூர்த்தியும் முடித்துக்கொடுத்தார்கள் . தேவதாஸ் (தமிழ் & தெலுங்கு) மற்றும் சண்டிராணி (தமிழ், தெலுங்கு & இந்தி) படங்களின் இணை இசையமைப்பாளராக இவர்கள் இருவரும் அறிமுகப்படுத்தப்பட்டார்கள். இப்படங்கள் வெற்றி பெற்றதால் இந்தியில் சங்கர்-ஜெய்கிஷன் என்ற பெயரில் புகழ்பெற்ற இரட்டை இசையமைப்பார்கள் இருந்தது போல் தமிழில் விசுவநாதன்-இராமமூர்த்தி என்ற இரட்டை இசையமைப்பாளராக உருவாகலாம் என்ற எண்ணத்தை விசுவநாதன் இராமமூர்த்தியிடம் தெரிவித்து அவரது இணக்கத்தைப் பெற்றார். இவர்கள் இருவரும் பணம் என்ற திரைப்படத்திற்கு முதலில் இணைந்து இசையமைத்தார்கள் . ஆயிரத்தில் ஒருவன் திரைப்படம் வரை 700 படங்களுக்கு இணைந்து இசையமைத்தார்கள். இவர் தனியாக 500 படங்களுக்கு மேல் இசையமைத்துள்ளார். இளையராஜாவோடு சேர்ந்து, மெல்லத் திறந்தது கதவுசெந்தமிழ்ப் பாட்டுசெந்தமிழ் செல்வன் என மூன்று படங்களுக்கு இசை அமைத்துள்ளார் . 1995-ல் சத்யராஜ் அவர்கள் நடித்த எங்கிருந்தோ வந்தான் என்ற திரைப்படத்தில் இருவரும் மீண்டும் இணைந்து இசையமைத்தார்கள்.. 1963ம் ஆண்டு ஜூன் மாதம் 16-ஆம் தேதி மதராஸ் ட்ரிப்ளிகேன் கல்சுரல் அகாடமி சார்பில் இந்து நாளிதழ் உதவியுடன் இயக்குனர் ஸ்ரீதர் மற்றும் “சித்ராலயா”கோபு முன்னிலையில் நடைபெற்ற விழாவில் சிவாஜி கணேசனால் விசுவநாதன்-இராமமூர்த்திக்கு மெல்லிசை மன்னர்கள் என்று பட்டம் வழங்கப்பட்டது

கண்ணகி, காதல் மன்னன், காதலா காதலா போன்ற 10க்கும் மேற்பட்ட படங்களில் நடித்துள்ளார். ஏ. பீம்சிங்,கிருஷ்ணன் பஞ்சு, ஏ. சி. திருலோசந்தர், கே. பாலசந்தர் என்ற இயக்குநர்களிடம் மற்ற இயக்குனர்களை விட அதிகமாக வேலை பார்த்திருக்கிறார். தமிழ்த் தாய் வாழ்த்தான நீராடும் கடலுடுத்த பாடலுக்கு மோகன இராகத்தில் இசைக் கோர்ப்பு செய்தவர் விசுவநாதன். வி.குமார், இளையராஜாஅ. இ. ரகுமான்கங்கை அமரன்தேவாயுவன் சங்கர் ராஜாஜி. வி. பிரகாஷ் போன்ற அனைத்து இசையமைப்பாளர்களிடமும் பாடி இருக்கிறார்.

நன்றி:-Wikipedia

ImageImageImage

சர்வர் சுந்தரம் படத்தில் அவளுக்கென்ன அழகிய முகம் பாடல் காட்சியில் எம்.எஸ்.வி. தனது குழுவினரோடும் சௌந்தரராஜனோடும்MSV - Sarver Sundaram AMSV - TMS - Sarver Sundaram-AMSV - TMS-Sarver Sundaram-A

1942-இல் கண்ணகி படத்தில் நடித்ததற்குப் பின் நடிகனாக சிறந்ததொரு கதாபாத்திரத்தில் ‘மெஸ் விஸ்வநாதனாக’ ‘காதல் மன்னன்’ என்ற படத்தில் 1998-இல் நடித்ததிலிருந்து எடுக்கப்பட்ட புகைப்படங்கள்.msv-kadhal-mannan-1998msv-kadhal-mannan-1998-1

”தாய் மூகாம்பிகை” 1982 படத்தில் பாலமுரளி கிருஷ்ணா சீர்காழி எஸ்.கோவிந்தராஜனுடன் எம்.எஸ்.விஸ்வநாதன்

MSV-Thaai Mookambigai 1982-MSV-Thaai Mookambigai 1982-1Balamurali Krishna-MSV-Seergazhi-Thaai Mookambigai 1982-

மெல்லிசை மன்னர் எம்.எஸ்.விஸ்வநாதன் காலமானார்

சென்னை, : பிரபல இசை அமைப்பாளர் எம்.எஸ்.விஸ்வநாதன் சென்னையில் நேற்று காலமானார். அவருக்கு வயது 87. உடல்நலக்குறைவு காரணமாக,  சென்னை அடையாறில் உள்ள தனியார் மருத்துவமனையில் சில நாட்களாக அனுமதிக்கப்பட்டிருந்தார் எம்.எஸ்.விஸ்வநாதன். அங்கு தீவிர சிகிச்சை  அளிக்கப்பட்டு வந்தது. இருந்தும் நேற்று அதிகாலை மூச்சுத்திணறல் ஏற்பட்டது. பின்னர் 4.15 மணிக்கு அவர் உயிர் பிரிந்தது. இதையடுத்து சென்னை  சாந்தோமில் உள்ள அவரது வீட்டுக்கு உடல் கொண்டு வரப்பட்டு பொதுமக்கள் அஞ்சலிக்காக வைக்கப்பட்டது.

அவரது உடலுக்கு ஏராளமான திரையுலகினரும் அரசியல் பிரமுகர்களும் பொதுமக்களும் அஞ்சலி செலுத்தினர். அவரது உடல் தகனம்,  பெசன்ட் நகர்  மின்மயானத்தில் இன்று காலை நடக்கிறது. மறைந்த எம்.எஸ்.விஸ்வநாதனின் மனைவி ஜானகி கடந்த சில வருடங்களுக்கு முன் காலமானார்.  இவர்களுக்கு கோபி கிருஷ்ணா, முரளிதரன், பிரகாஷ், அரிதாஸ் ஆகிய மகன்களும்  லதா மோகன், மது பிரசாத் மோகன், சாந்திகுமார் ஆகிய மகள்களும்  உள்ளனர். எம்.எஸ்.விஸ்வநாதன், ராமமூர்த்தியுடன் இணைந்து பல்வேறு மொழிகளில் சுமார் 1200 படங்களுக்கு மேல் இசை அமைத்துள்ளார். தனியாக 500  படங்களுக்கு இசை அமைத்துள்ளார்.

படப்பிடிப்பு ரத்து: எம்.எஸ்.விஸ்வநாதனின் மறைவை ஒட்டி,  இன்று (புதன்கிழமை) ஒரு நாள் படப்பிடிப்புகள் ரத்து செய்யப்பட்டுள்ளன. தலைவர்கள்  அஞ்சலி: முதல்வர் ஜெயலலிதா சார்பில், அமைச்சர்கள் நத்தம் விசுவநாதன், எடப்பாடி பழனிச்சாமி, வளர்மதி, ராஜேந்திர பாலாஜி ஆகியோர்   எம்.எஸ்.விஸ்வ நாதன் உடலுக்கு மலர் வளையம் வைத்து அஞ்சலி செலுத்தினார்கள். தி.மு.க. பொருளாளர் மு.க.ஸ்டாலின், த.மா.கா. தலைவர்  ஜி.கே.வாசன், எம்.ஜி.ஆர். கழக தலைவர் ஆர்.எம்.வீரப்பன், தமிழக பா.ஜனதா தலைவர் தமிழிசை சவுந்திரராஜன், துணைத் தலைவர் வானதி சீனிவாசன்,  விடுதலை சிறுத்தைகள் தலைவர் தொல்.திருமாவளவன். நடிகர்கள் ரஜினிகாந்த், விஜய், பிரபு, டி.ராஜேந்தர், சிவக்குமார், தயாரிப்பாளர் ஏவி.எம். சரவணன்  உட்பட பலர் அஞ்சலி செலுத்தினர்.

Source: http://www.dinakaran.com/News_Detail.asp?Nid=155922

எம்.எஸ்.விஸ்வநாதன் உடலுக்கு ஜெயலலிதா சார்பில் அமைச்சர்கள் அஞ்சலி- ரஜினிகாந்த் மரியாதை

பதிவு செய்த நாள்:
செவ்வாய், ஜூலை 14,2015, 1:48 PM IST

மறைந்த இசையமைப்பாளர் எம்.எஸ்.விஸ்வநாதன் உடல் சாந்தோமில் உள்ள வீட்டில் அஞ்சலிக்காக வைக்கப்பட்டு உள்ளது.

எம்.எஸ்.விஸ்வநாதனின் இறுதிச் சடங்குகள் நாளை (புதன்கிழமை) காலை நடை பெறும் என்று அவரது மகன் கோபி தெரிவித்தார். எம்.எஸ்.விஸ்வ நாதனின் உடல் சாந்தோமில் உள்ள அவர் வீட்டில் இருந்து பெசன்ட் நகர் மயானத்துக்கு ஊர்வலமாக எடுத்துச்  செல்லப்படும். அங்கு அவர் உடல் தகனம் செய்யப்படும்.

எம்.எஸ்.விஸ்வநாதன் மரணம் அடைந்த தகவல் அறிந்ததும், திரையுலக பிர முகர்கள் திரண்டு வந்து அஞ்சலி செலுத்தினார்கள். இசை அமைப்பாளர் சங்கர்கணேஷ், பின்னணி பாடகி வாணி ஜெயராம், நடிகர் ஒய்.ஜி. மகேந்திரன் ஆகியோர் காலையிலேயே வந்து கண்ணீர் அஞ்சலி செலுத்தினார்கள்.

தி.மு.க. பொருளாளர் மு.க.ஸ்டாலின், த.மா.கா. தலைவர் ஜி.கே.வாசன், எம்.ஜி.ஆர். கழக தலைவர் ஆர்.எம்.வீரப்பன், தமிழக பா.ஜனதா தலைவர் தமிழிசை சவுந்திரராஜன், துணைத் தலைவர் வானதி சீனிவாசன், விடுதலை சிறுத் தைகள் தலைவர் தொல்.திருமாவளவன். நடிகர்கள் பிரபு, டி.ராஜேந்தர், சிவக்குமார், பட அதிபர் ஏ.வி.எம். சரவணன், பின் னணி பாடகிகள் சுசீலா, ஜானகி, சீர்காழி சிவசிதம் பரம், மாணிக்கம் விநாயகம், நித்யஸ்ரீ மகாதேவன் ஆகி யோரும் அஞ்சலி செலுத் தினர்.

முதல் – அமைச்சர் ஜெயலலிதா சார்பில் அமைச் சர்கள் நத்தம் விசுவநாதன், எடப்பாடி பழனிச்சாமி, வளர்மதி, ராஜேந்திர பாலாஜி ஆகியோர் நேரில் சென்று எம்.எஸ்.விஸ்வ நாதன் உடலுக்கு மலர் வளையம் வைத்து அஞ்சலி செலுத்தினார்கள்.எம்.எஸ்.விஸ்வநாதன் குடும்பத்தினரிடம் முதல்- அமைச்சர் சார்பில் ஆறு தலும் கூறினர்.’

நடிகர் ரஜினிகாந்த் நேரில் சென்று எம்.எஸ்.விஸ்வநாதன் உடலுக்கு மலர் வளையம் வைத்து அஞ்சலி செலுத்தினார்.  நடிகர் விவேக், நடிகை  குஷ்பு,  உள்ளிட்ட பலர் நேரில் அஞ்சலி செலுத்தினர்.

திரைப்பட தொழிலாளர் (பெப்சி) சங்க தலைவர் ஜி.சிவா வெளியிட்ட அறிக்கையில்  கூறிருப்பதாவது:-

மெல்லிசை மன்னர் என பட்டம் பெற்ற  இசைத்தாயின் மூத்த மகன் பிரபல இசை யமைப்பாளர்  எம்.எஸ். விஸ்வநாதன்  இன்று நம்மை எல்லாம்  விட்டு பிரிந்து இறைவனிடமும் இயற் கையிடமும், இசையிடமும் கலந்து விட்டார். அவரு டைய ஆத்மா   சாந்தி அடைய   தென்னிந்திய  திரைப்பட தொழிலாளர்கள் சம்மேளனம்   சார்பாக இறைவனை பிரார்த்தனை செய்வதோடு,    அவரது குடும்பத்தார்க்கும் ஆழ்ந்த இரங்கலை  தெரிவித்து அவருக்கு இறுதி மரியாதை செலுத்தும் வகையில் நாளை  படப்பிடிப்புகளை    ரத்து செய்யப்படுகிறது என்பதை  தெரிவித்துக்கொள்கிறோம்.என்று கூறி உள்ளார்.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s